Unha das poucas cousas positivas que vexo no
panorama galego é o do turismo que creo que pode ser unha das poucas cousas nas
que salgamos a diante.
Nos últimos anos observo que o turismo
experimentou un desarrolo importante en Galicia a todos os niveis, así o
turismo rural creceu moito e iso é debido á diversificación da oferta turística.
O turismo rural axuda á economía rural que nos últimos anos estaba afectada
polas medidas de reconversión agraria, tanto a agricultura como a gandeiría están
abocadas á práctica desaparición en Galicia creo que debido ás políticas
europeas.
O turismo rural permite poñer en alza o
patrimonio cultural galego, revitalizando as costumes, as tradicións populares,
as festas, a difusión da artesanía e da gastronomía popular, ademais fomenta a
preservación e potenciación do medio ambiente natural.
O turismo nas cidades creo que tamén mellorou
porque os hoteis modernizáronse e adaptáronse á demanda. Creo que a cidade que
máis reclamo de turistas ten é Santiago de Compostela sobre todo porque moitos
peregrinos fan o camiño de Santiago e ao chegar a esta cidade permanecen nela
varios días para coñecela,etc.
O turismo costeiro tamén evolucionou nos últimos
anos e iso é debido principalmente polas marabillosas praias que temos en
Galicia, moitas delas contan con bandeira azul, de feito, a comunidade galega é
das que máis bandeiras azuis posee a nivel europeo. Nos últimos anos os pobos
con praias interveron en mellorar os accesos, a calidade das augas...etc das
praias o que non só beneficia o turismo senón que tamén beneficia a todos os
habitantes de Galicia.
A praia de Esmelle recibiu este ano a bandeira azul
O turismo náutico ten un gran potencial de
desenvolvemento en Galicia dadas as boas condicións xeográficas que esta
Comunidade presenta para a súa práctica. Así mesmo, esta modalidade turística
permite a diversificación e cualificación da oferta turística, estando
intimamente ligado ao turismo de calidade e, polo tanto, importante fonte de
riqueza. Ademais, dado que o turismo náutico pode ser practicado en calquera
época do ano, xoga un notable papel na desestacionalización
da oferta turística galega, co que permite a dinamización de certas áreas en
retroceso económico tradicionalmente vinculadas co mar.
Por todo iso creo que o sector
turístico galego ten un gran futuro.
No hay comentarios:
Publicar un comentario